27 oktobr Türkmenistanyñ garaşsyzlyk güni gutly bolsun

Türkmenler baglasa bir ýere bili,

Gurudar Gulzumy, Derýaýy Nili

Teke, Yomut, Gökleñ, Yazyr, Alili

Bir döwlete gulluk etsek bäşimiz.

Magtymguly

27-nji Oktobr (garaşsyzlyk aýy)Türkmenistan jomhuriyetiniñ garaşsyzlygynyñ 14-nji ýyldönümini Türkmenistan döwletine, onuñ prezidenti jenab Saparmyrat Niýazogluna we ähli türkmen milletine tüýs ýürekden gutlaýarys. Türkmenistanyñ garaşsys milletine has gözel geljekler we Iranda we beyleki ülkelerde zulum astynda ýaşaýan milletimiziñ-de özleriniñ mukaddes garaşsyzlyygna gowuşmaklaryny arzuw edýäris hem-de gowuşjakdyklaryna doly ynanýarys.

Sarsmasyn Türkmen döwleti!

Ebedi parlasyn Türkmen baýdagy!

Türkmenlik Milli-Demokratik hereketi

27 Oktobr 2005

Giñelýär Dünýäm

Ölmedim ajaýyp günleri gördüm,

Müñdebir minnetdar saña eý eýýäm

Garyb guş dek ýurt aradym asyrlar,

Indi gonmak üçin bardyr höwürtgäm.

Ene topragymda gul boldum ýada,

Ata watanymda geçmedim zada,

Gözýaş tesgin berdi ýürekde oda,

Ynjalyp başlady ýaraly synam.

Öweý enä, ene diýdim ýalandan

Daşym güdi, içim doly ýalyndan

Kamatym düküldi hijran elinden,

Buşluk! Ýar öwrülýär ellerinde jam.

Hakyky ýetimmiş watansyz ynsan

Buýsançsyz ýürekde doñar eken gan

Dañ düýbi agaryp aýylýar jahan,

Dumanlar syrylyp giñelýär dünýäm.

Men beýik çynardym palta urdular,

Mazarymda toy meýlisin gurdular ,

Gözel iliñ gujagyndan sürdiler,

Bu gün gujak açyp garaşýar ülkäm.

Dañatar, Garaşsyzlyk aýy 1992-Aşgabat