8-nji Mart halkara Hanymlar güni gutly bolsun!

Halakara Hanymlar gününi dünýäniñ ähli hanymlaryna, ylaýta-da taryh boýy dünýäniñ iñ azad-erkin gelin-gyzlary we Eneleri ornunda ýer alyp ýaşap gelen türkmen hanymlaryna tüýs ýürekden gutlaýarys.

Türkmen gelin-gyzlaryna we Enelerine diñe bir nesil dowam etdirijiler hökmünde baha bermeklik örän ýalñyş bolar, sebäbi olar diñe bir nesli däl eýsem başda gözel, baý we güýçli Ene Dilimiz bolmak bilen bütin maddi we ruhy gymmatlyklarymyzy hem mukaddesliklerimizi aýawly saklap, ýaşadyp hem baýlaşdyryp gelen gudratlar, has dogrusy türkmeniñ milli durkuny tutuşlygyna otdan-suwdan, döwden-şeýtandan gorap gelen ýarym-Tañrylarymyzdyr.

Türkmen hanymlary taryh boýy hatda iñ agyr hem aldym-berdimli günlerde-de erkekler bilen egin-egine berip, siýasy geñeşlerden tä söweş meýdanlaryna çenli bir ädim-de gaýra durman gelendiklerini bu gün taryh ylmy doly ykrar edýär we olary alkyşlaýar.

Bu uly güni ýene bir gezek Enelerimize, gelin-gyzlarymyza tüýs ýürekden gutlamak bilen, ylaýta-da bu günki Türkmensährda (Günorta-Türkmenistanda) yza galak, medeniýetsiz we fars rasizmine esaslanan, aýratyn-da hanymlaryñ ganym-duşmany bolan „yslami“ režimiñ aýylganç zulmunyñ astynda ýaşaýan hanymlarymyza bu garagünlerden tizlik bilen gutulmaklaryny beýik tañrydan dileg edýäris. Olaryñ hatda şeýle agyr günlerde-de Türkmenlik durkymyzy, dilimizi we mukaddes däp-dessurlarymyzy gorap türkmen ojagyny yssy saklamagy başarjakdygyna-da doly ynanýarys.

Türkmen Milli-Demokratik Hereketi (Türkmenlik)

Mart 2006